CEIP. PENA DE FRANCIA

REUNÍMONOS DE NOVO

2009-02-17T12:30:00.003+01:00

Hoxe día 24 de Febreiro de 2009 os participantes neste proxecto volvémonos a reunir. Temos pendente a recollida do DVD cas fotos do noso camiño, e como o prometido é deuda estamos a punto de saldala.

Este pequeno blog espera os nosos comentarios avaliando a experiencia vivida.

2008-06-13T08:47:00.001+02:00

Esto está preparado para o día de hoxe pero ainda espertamos moi poucos.

2008-06-13T08:36:00.003+02:00

Espertamos en Pedrafita e dirixímonos a Triacastela. Pola mañá tivemos que subir o alto de San Roque e o Alto do Poio e verdadeiramente eran moi altos. O día dos bichos comenzara. Convertimonos durante gran parte da mañá en especialistas entomologos que se non sabedes o que é significa "Bicheiros". O noso caderniño xa se vai completando e o diario empeza a tomar forma... comimos en Viduedo algo espectacular e durante duas horas xogamos o "Camiño das Ocas" As ordes dos Wyllis, A estrela Polar, As estrelas do Camiño e os Vitaminicos amosaron a súa destreza. Despois de comoer e rumbo a O albergue Berce do Camiño únha nena escordouse o nocello sen mais importancia pero tivemos que improvisar unha bonita "silla da raiña".
A chegada feliz por dous motivos o pobo enteiro recibiunos con aplausos polas nosas bonitas cancións e bailes e porque xa eramos un mais O Dire "Jesús" chegara disposto a todo...

Pola noite e ata as 24:30 tivemos un xogo de rastreo nocturno e todalas ordes fixeron un gran papel... Ata mañá.

XA ESTAMOS EN CAMIÑO

2008-06-13T08:30:00.003+02:00

Arrancamos con un pouco de retraso e cos pais dando gracias o ceo porque xa nos íamos.Pequeno problema técnico cas portas pero chegada sen novidade as 14:oo as Herrerías lugar onde comenzamos a "subida mais subida de todalas subidas".
Costar costou pero a satisfacción de verse no Cebreiro fixo que nos sentiramos moi ledos e a dor de pes desaparecera abordando a todo peregrino vivinte que se atopaba e falaba inglés, incluso alemán.
A tarde perfecta os xogos moi ben e a dormida no pabillón foi dura, moi dura... o chan non era mullido e o frio estaba aliado con nos.

TRAS VARIOS MESES DE TRABALLO...

2008-06-06T09:58:00.005+02:00

Pois si queridos amigos, levamos tres meses traballando na organización do noso proxecto. Deseñado en principio para levarse a cabo no mes de Maio tivemos que aplazalo por problemas ca choiva. Pero a día de hoxe estamos dispostos a afrontar a ultima etapa.
As comisións de mantemento, transportes, animación, materiais, información e aloxamento funcionaron as mil maravillas e xa temos todo disposto para unha grande aventura.
No día de hoxe queremos reflexar unha serie de comentarios persoais nas que expresemos que esperamos e desexamos nestes días de convivenza no "camiño da vida"

ESCOLA NO CAMIÑO: Reunión informativa

2008-02-26T12:49:00.002+01:00

O camiño faise andando e a nosa escola, no afan de conquerir unha educación de maior calidade para os nosos alumnos/as, non se cansa de propoñer iniciativas.

Como xa dixéramos ó presentares a programación anual, un dos proxectos de dinamización pedagóxica que poderíamos levar a cabo neste curso implica directamente ós rapaces que finalizan connosco a etapa de primaria.

Dito proxecto responde ó titulo de “escola no camiño”.

É un proxecto compartido que non podería levarse a cabo sen o convencemento maioritario da nosa comunidade (mestres, nais/pais, alumnos/as) de que é unha iniciativa enriquecedora e axeitada.

Este é o motivo da nosa reunión: coñecer, valorar e opinar sobre a posible realización do proxecto.
Ninguén pode decidir sin coñecer por eso esperamos a vosa presenza e agradecemos nola confirmedes por medio dos vosos fillos.

Ilustración realizada por Francisco Tapias

UN PROXECTO COMÚN

2008-02-26T11:21:00.000+01:00

O proxecto educativo da nosa escola, asumindo plenamente os principios e fins educativos da actual lexislación para as etapas de Educación infantil e primaria, trata de conquerir:

* As competencias básicas que manifesten o desenvolvemento intelectual, social e persoal dos nosos alumnos e alumnas

* O traballo en equipo do profesorado e a colaboración entre os distintos sectores da comunidade educativa

* Atender aos aspectos experiencial e actitudinal na educación do noso alumnado mediante saídas, obradoiros, conmemoracións, revistas, actividades complementarias e extraescolares para favorecer a súa participación e a motivación